خبر فوری

مقامات افغان: شش جنگجوی طالبان در حمله یک جنگنده تاجیکستان کشته شدند

 نظرها
سرباز روس در مرز تاجیکستان و افغانستان
سرباز روس در مرز تاجیکستان و افغانستان -
کپی رایت
آرشیو رویترز-۲۰۰۱
Euronews logo
اندازه متن Aa Aa

مقامات افغانستان اعلام کردند شش جنگجوی طالبان در حمله هوایی یک جنگنده تاجیکستان به ولسوالی «درقد» در ولایت تخار کشته شده‌اند.

بنا به اعلام مقامات افغان این حمله هوایی پس از کشته شدن دو مرزبان تاجیک در درگیری با شبه نظامیان طالبان صورت گرفت.

پیش از این خلیل اسیر، سخنگوی والی تخار اعلام کرده بود یک هواپیمای «تاجیکستان یا روسیه» روز دوشنبه طی عملیاتی مواضع طالبان را در نواحی مرزی ولایت تخار واقع در شمال شرقی افغانستان بمباران کرده است.

گرچه وزارت دفاع افغانستان از ارائه هرگونه نظری در این زمینه خود داری کرده است اما جاوید هجری، سخنگوی ولایت تخار افغانستان همچنین اعلام کرد شش تن از کسانی که در این درگیری کشته‌شده‌اند قاچاقچیان مواد مخدر بوده‌اند.

به کانال تلگرام یورونیوز فارسی بپیوندید

وزارت دفاع روسیه اعلام کرده است جنگنده های این کشور دخالتی در حمله هوایی روز دوشنبه در افغانستان نداشته اند. همچنین ساعاتی پیش دولت تاجیکستان نیز انجام هرگونه حمله هوایی از سوی ارتش این کشور در خاک افغانستان را تکذیب کرد.

همچنین مقامات تاجیکستان کشته شدن دو مرزبان تاجیک در درگیری با طالبان را تأیید نکردند. یک مقام تاجیک که نخواست نامش فاش شود اعلام کرد که سه جنگلبان این کشور با تعدادی از افراد که از افغانستان وارد خاک تاجیکستان شده بودند درگیر شده و دو تن از آنها جان باخته‌اند درحالیکه فرد سوم موفق به فرار شده است.

در مقابل گروه طالبان خبر درگیری با مرزبانان تاجیک و نیز بمباران روز دوشنبه را تأیید کرده است.

در درگیری بین دو طرف ۹ نفر از شبه نظامیان طالبان مجروح شدند.

درگیری در مرز افغانستان و تاجیکستان برخلاف مرز پاکستان و افغانستان امر رایجی نیست.

بیشتر بخوانید:

وب‌سایت یورونیوز دیگر در مرورگر Internet Explorer در دسترس نخواهد بود. این مرورگر دیگر از سوی مایکروسافت پشتیبانی نمی‌شود. توصیه می‌کنیم از مرورگرهای دیگری مانند گوگل کروم، فایرفاکس و سافاری استفاده کنید.